სოფელი იტალიაში, სადაც ახალგაზრდა არავინ კვდება

13 Apr 2016

იტალიის ერთ-ერთი პატარა სოფლის მაცხოვრებლებს მეცნიერულად შეისწავლიან. ამის მიზეზი იმის დადგენაა, თუ რატომ ცოცხლობენ ისინი ძალიან დიდხანს.

სამხრეთ იტალიის დასავლეთ სანაპიროზე მდენარე სოფელ აჩიაროლის 2000 მაცხოვრებლიდან, საკმაოდ ბევრი ადამიანი 100 წელს გადაცილებულია.

კვლევა, რომელსაც  ამერიკელი და იტალიელი მეცნიერები ჩაატარებენ, შეეცდება დაადგინოს, რატომ ცხოვრობს სოფელში 100 წელს გადაცილებული 300-ზე მეტი ადამიანი.

აჩიაროლი ცნობილია გულის დაავადებებისა და ალცჰაიმერის საკმაოდ დაბალი მაჩვენებლით, თუმცა ეს პირველი შემთხვევა იქნება, როდესაც მკვლევარები ადგილობრივ მოსახლეობას შეისწავლიან.

„ამ საკმაოდ ხანგრძლივი შესწავლის მიზანია დავადგინოთ, როგორ მიაღწიეს ამ ადამიანებმა 100 წელზე მეტს. ჩავატარებთ სრულ გენეტიკურ ანალიზებსა და გამოვიკვლევთ მათი ცხოვრების სტილს, კვების რაციონს“, - აღნიშნავს სან-დეიგოს მედიცინის სკოლის გულ-სისხლძარღვთა მედიცინის პროფესორი, დოქტორი ალან მაისელი.

სოფლის მაცხოვრებლები ძირითადად ხმელთაშუაზღვიური პროდუქტებით იკვებებიან, განსაკუთრებით თევზითა და ზეთისხილით.

მიჩნეულია, რომ სწორედ სოფელი აჩიაროლი იყო ერნესტ ჰემინგუეის შთაგონების წყარო „მოხუცი და ზღვის“ წერისას. სოფლის მაცხოვრებელთა ხანგრძლივი სიცოცხლის მიზეზი შესაძლოა ასევე იყოს დიდ მანძილზე ფეხით სიარული, განსაკუთრებით ბორცვიან ლანდშაფტზე, რაც მათი ყოველდღიურობის განუყოფელი ნაწილია. (წყარო: 1tv.ge)

Please reload

Please reload