10 საუკეთესო სათხილამურო კურორტი აღმოსავლეთ ევროპაში


ბრიტანული The Telegraph-ი ზამთრის კურორტების მოყვარულებს აღმოსავლეთ ევროპის საუკეთესო სათხილამურო კურორტების საკუთარ ათეულს სთავაზობს. მათი რჩეული ათეული ასე გამოიყურება:

პოიანა ბრასოვი, რუმინეთი

უპირატესობები: იოლი ფერდობები, აქტიური ღამის ცხოვრება და კულტურული ექსკურსიები.

მდებარეობს კარპატებში, უახლოესი აეროპორტიდან 3 საათის სავალზე, ხოლო ქალაქ ბრასოვიდან 12 კმ-ს დაშორებით. კურორტიდან 23 კმ-ითაა დაშორებული დრაკულას ციხე, რომელიც საინტერესო ტურისტული ობიექტია. აქ სასტუმროების კარგი არჩევანია და მაღაზიებშიც დაბალი ფასებია. სტუმრებს კურორტზე დათვის სტეიკის დაგემოვნებაც შეუძლიათ

2. პამპოროვო, ბულგარეთი

უპირატესობა: პატარა, მომხიბლავი და სტუმართმოყვარე სოფელი

ესაა ნამდვილი სოფლის ხიბლისა და ტრადიციული სათხილამურო კურორტის იდეალური შერწყმა. კურორტი საბერძნეთის საზღვრიდან 100 კმ-ითაა დაშორებული. უახლოესი, პლოვდივის აეროპორტი კი მხოლოდ 45 წუთის სავალზეა. აქაური სათხილამურო ტრასები იდეალურია დამწყებთათვის. სასტუმროებს, ძირითადად ქვის კოტეჯები წარმოადგენენ, სადაც ავტობუსით უფასო მომსახურებასაც შემოგთავაზებენ. კურორტზე რამდენი კარგი რესტორანი და ბარიცაა.

3. როზა ხუტორი, რუსეთი

უპირატესობა: ყველაზე რთული რელიეფი აღმოსავლეთ ევროპაში

გამორჩეული სილამაზის კურორტი სოჭის აეროპორტიდან 25 წუთის სავალზეა. მისი რთული ფერდობები უმეტესად გამოცდილ მოთხილამურეეებს იზიდავს. თუმცა აქაური რესტორნების და მაღაზიების ფასები არც ისე დაბალია.

4. მარიბოსკო პოხორიე, სლოვენია

უპირატესობები: პროჟექტორებით განათებული ფერდობები და მსოფლიო შემონატების მასპინძლობა.

კურორტი სლოვენიის სიდიდით მეორე ქალაქში მდებარეობს და ლუბლიანას აეროპორტიდან აქ მოსახვედრად 2 საათზე ცოტა მეტი დაგჭირდებათ. კურორტს ევროპაში ერთ-ერთი ყველაზე დიდი ღამის სათხილამურო ტერიტორია აქვს. ფერდობები მორგებულია დამწყები და საშუალო გამოციდლების მქონე მოთხილამურეებზე. სასტუმროების არჩევანი მთის ძირშიც საკმაოდ კარგია, თუმცა შეგიძლიათ ქალაქში დაბინავდეთ და რეგულარული ავტობუსით ისარგებლოთ, რომელიც მხოლოდ 2 ევრო ღირს.

5. პოპოვა საპკა, მაკედონია

უპირატესობა: თოვლის მანქანით გადააგილების შესაძლებლობა

კურორტი გამოირჩევა კარგი თოვლის საფარით და იანვრიდან მარტამდე გარანტირებული სეზონით. სპეციალური მუხლუხოიანი თოვლის მანქანებით შესაძლებელია ასვლა 2700 მეტრ სიმაღლეზე. ღამით შესაძლებელია ჩირაღდნებით სრიალი. დაბინავება შესაძლებელია 3*-იან სასტუმროებში ან თვითონ სოფელში.

6. კრანისკა გორა, სლოვენია

უპირატესობა: დახვეწილი კურორტი მოკლე ტრანსფერებით

მდებარეობს ლუბლიანას აეროპორტიდან ერთი საათის სავალზე. ესაა მიმზიდველი სოფელი იულიუსის ალპების ტყიან მთებში. კურორტს ხშირად ავსტრიას ადარებენ. კარგი ადგილია ოჯახთან ერთად დასასვენებლად. 4*-იანი სასტუმროს პოვნა სოფლის ცენტრშიც კი შეგიძლიათ.

7. იაჰორინა, ბოსნია-ჰერცოგოვინა

უპირატესობა: თანამედროვე კურორტი ღამის სათხილამურო ტრასებით

მდებარეობს სარაევოს აეროპორტიდან 40 წუთის სავალ გზაზე. ფერდობები საშუალო სირთულისაა. ღამის ტრასა 1.7 კილომეტრიანია სა მასზე სრიალი საღამოს 6-დან დილის 9 საათამდეა შესაძლებელი. სასტუმროები ფერდობთან ახლოსაცაა, თუმცა ზოგიერთი სტუმარი სარაევოში დაბინავებას ამჯობინებს.

8. კოპაონიკი, სერბეთი

უპირატესობა: აღმოსავლეთ ევროპაში საუკეთესო რელიეფი დამწყები მოთხილამურეებისთვის

უახლოესი აეროპორტი ბელგრადშია და კურორტზე მოსახვედრად 4 საათი და 15 წუთი დაგჭირდებათ. აქ ძირითადად პატარ-პატარა ინდივიადუალურ სასტუმროებს შეხვდებით, რომელთა გარშემო ბარები და რესტორნებია განტავსებული, თუმცა არის რამდენიმე მაღალი დონის სასტუმროც.

9. ბანსკო, ბულგარეთი

უპირატესობა: ძველი ქალაქი თანამედროვე სათხილამურო ტრასებით

ამ ცნობილ კურორტზე სოფიას აეროპორტიდან 2.5 საათში მოხვდებით. ფერდობები მოიცავს ორ მთას, რომლებზეც თანამედროვე საბაგიროებია განთავსებული. აქ შეხვდებით ბუტიკებს, ღვინის ბარებს და პიცერიებს. ფასები საკმაოდ დაბალია.

10. იასნა, სლოვაკეთი

უპირატესობები: რთული რელიეფი და ვრცელი ფრირაიდინგი

უახლესი, პოპრადის ეროპორტიდან 45 წუთის სავალზე მდებარეობს და გამოცდილი მოთხილამურეებისთვის საუკეთესო ადგილია. მიუხედავად იმისა, რომ კურორტი პატარა სოფელს წარმოადგენს, საკმარისადაა ბარები, რესტორნები, სასტუმროები და მაღაზიები. ბოლო წლებში ოთხი ახალი გონდოლა და დამატებით 10 კილომეტრიანი ტრასა გაკეთდა. 3*-იან სასტუმროს ფერდობების ძირშც იპოვნით დასაბინავებლად.

Please reload

ვიზაჯორჯია

დ. აღმაშენებლის გამზ.175, თბილისი 0112, საქართველო

ტელ: +995 205 01 10

ელ-ფოსტა:  info@visageorgia.ge

 

  • Grey Facebook Icon
  • Grey YouTube Icon
  • Grey Instagram Icon
© 2018 ყველა უფლება დაცულია