10 ყველაზე იაფი ქალაქი შემოდგომაზე სამოგზაუროდ

10 Oct 2016

დაბალი ბიუჯეტი ხშირად გადამწყვეტ როლს თამაშობს მოგზაურობის დაგეგმვაში. მცირე ფინანსური რესურსით მოგზაურობისთვის შემოდგომა ერთ-ერთი საუკეთესო პერიოდია.

 

გთავაზობთ ევროპის 10 ყველაზე იაფ ქალაქს საშემოდგომო მოგზაურობისთვის.

 

10. ლილი, საფრანგეთი

 

ლილი პირველად შევიდა ყველაზე იაფი ქალაქების ათეულში, რაც სასტუმროების ფასის დაწევამ გამოიწვია. ამ ქალაქში სამვრასკვლავიან სასტუმროში ორი ადამიანისთვის ღამის გატარება დაახლოებით 90 ევრო დაგიჯდებათ. ლილის ერთ-ერთი მთავარი ხიბლი ისაა, რომ საფრანგეთის სხვა ქალაქებთან შედარებით აქაურობა მყუდრო და მშვიდია.

 

9. კრაკოვი, პოლონეთი

 

კრაკოვი მაინც მოხვდა ყველაზე იაფი ქალაქების სიაში, მიუხედავად იმისა, რომ სასტუმროების ფასები მნიშვნელოვნად გაიზარდა. სამვარსკვლავიან სასტუმროში ორი პერსონისთვის ღამის გატარება საშუალოდ 115 ევრო ღირს. პოლონეთის ყოფილი დედაქალაქი ვიზიტორებს საინტერესო არქიტექტურით იზიდავს.

 

8. ტალინი, ესტონეთი

 

ესტონეთის დედაქალაქიც პირველად მოხვდა აღნიშნულ სიაში და ისიც სასტუმროების ფასის ვარდნის გამო. სამვარსკვლავიან სასტუმროში ორ პერსონაზე ნომრის საფასური ტალინში საშუალოდ 88 ევროა. ესტონეთის დედაქალაქი ერთ-ერთი ყველაზე კარგად შენახული ქალაქია ევროპის უძველეს ქალაქებს შორის, მოკირწყლული ქუჩებით და შუასაუკუნეებისა და თანამედროვეობის იდეალური შერწყმით.

 

7. რიგა, ლატვია

 

ევროპის ყოფილი კულტურული დედაქალაქი უკვე მეოთხე წელია მოცემულ ათეულში მეშვიდე ადგილს ინარჩუნებს. იუნესკოს სიაში შეტანილ ქალაქში კარგად იგრძნობა 800 წლიანი ისტორიის განმავლობაში შვედების, გერმანელები, რუსების და ბოლოს ლატვიელების მმართველობის შედეგები.

 

6. მოსკოვი, რუსეთი

 

მოსკოვის ტურმაც მნიშვნელოვანი ვარდნა განიცადა ფასის მხრივ, ამიტომ ათეულში მეცხრედან მეექვსე ადგილზე გადაინაცვლა. წითელი მოედნის, კრემლის და ლენინის საფლავის გარდა მოსკოვში სავაჭრო ცენტრები და აქტიური ღამის ცხოვრებაც გელოდებათ.მოსკოვი, წითელი მოედანი

 

5. ათენი, საბერძნეთი

 

ათენმა ყველაზე იაფი ქალაქების სიაში მეათედან მეხუთე ადგილზე გადმოინაცვლა. დასავლური ცივილიზაციის აკვნად აღიარებული ქალაქის ასეთი გადანაცვლება ბოლოდროინდელმა ეკონომიკურმა პრობლემებმა გამოიწვია.

 

4. ვარშავა, პოლონეთი

 

ვარშავა ყველაზე იაფი ქალაქების ათეულში მეოთე ადგილს იკავებს, თუმცა სასტუმროების საშუალო ფასი მაინც საკმაოდ მაღალი, დაახლოებით 100 ევრო რჩება. პოლონეთის დედაქალი გამორჩეულია იმით, რომ აქ შემოდგომითაც კი უამრავი ყვავილი ყვავის, ქუჩებში მრავლადაა ახალი რესტორნები და მაღაზიები.