ევროპის 5 ქალაქი შემოდგომის უიკ-ენდისთვის

2 Nov 2016

 

ეიფელის კოშკი პარიზში და ცნობილი აბანო ბუდაპეშტში, ძველი ქალაქი რიგაში და კარლოვის ხიდი პრაღაში – იდეალური საშემოდგომო შვებულება და დაუვიწყარი მოგონებები!

 

პრაღა, ჩეხეთი

 

”თუ გინდათ უცხოპლანეტელებს ევროპა ერთი ქალაქით გაააცნოთ, აჩვენეთ მათ პრაღა!” – ამბობდა ცნობილი ჟურნალისტი პეტერ ვაილი. პრაღა ყოველთვის არაჩვეულებრივი ქალაქი იყო, რომელმაც საკუთარ თავში ევროპული ქალაქების ყველა ღირსება გააერთიანა. ტურისტები პრაღაში წითელი კრამიტის სახურავებით დასატკბობად, გოლემსა და ალქიმიკოსებზე ლეგენდების მოსასმენად, შუასაუკუნეების ქუჩების ლაბირინთებში სამოგზაუროდ, წმინდა ვიტას ტაძრის სანახავად და კარლოვის ხიდზე სანუკვარი სურვილის ჩასაფიქრებლად ჩადიან. მოგზაურობის აუცილებელ პროგრამაშია სტარომესტის მოედანზე სეირნობა, ვიშეგრადის მოჩვენებების გაცნობა და ადგილობრივ კაფეებში ჩეხური ლუდის დაგემოვნება.

 

პარიზი, საფრანგეთი

 

პარიზი დიდი ხანია არ თმობს ლიდერობას ყველაზე პოპულარული ტურისტული მარშრუტების რეიტინგში. მისი მთავარი კოზირი – ელისეის მინდვრები, ჯოკონდა ლუვრში, დიდებული ტაძარი ნოტრ-დამ-დე-პარი და თავბრუდამხვევი ხედებია ეიფელის კოშკიდან. საფრანგეთის დედაქალაქი მისი მუდმივად ხმაურიანი ბულვარებით, ორსეს მუზეუმის სიმდიდრით და მონმარტრის იმ პატარა კაფეებით იზიდავს მოგზაურებს, სადაც ოდესღაც მთელი ევროპის ბოჰემა იყრიდა თავს.

 

ბუდაპეშტი, უნგრეთი

 

ხანმოკლე შვებულება ბუდაპეშტში – სასარგებლოსა და სასიამოვნოს შეთავსების საუკეთესო საშუალებაა, რადგან სწორედ უნგრეთის დედაქალაქშია ევროპის ყველაზე ლამაზი პარლამენტის შენობა, ადგილობრივი ”ელისეის მინდვრები” – ანდრაშის მოედანი, ჯაჭვის ხიდი, რომელსაც ადგილობრივები სიყვარულით ”მოხუც ქალბატონს” ეძახიან და რაც მთავარია, სამკურნალო წყლებით ცნობილი უზარმაზარი აბანო. ბუდაპეშტი, რომლის ტერიტორიაზე 80-ზე მეტი თერმული წყაროა, ერთადერთი დედაქალაქია კურორტის სტატუსით. ასე რომ, ქალაქში მოგზაურობისას აუცილებლად ესტუმრეთ ”სეჩინის” – ევროპის ყველაზე დიდ სააბანო კომპლექსს, დატკბით მარმარილოთი მოპირკეთებული ”გილერტეს” კოლონებით და მიიღეთ აბაზანა ”რუდაშას” თერმულ აუზში.

 

ბერლინი, გერმანია

 

ბერლინის ორი სიტყვით აღწერა შეუძლებელია. ესაა ქალაქი-კოსმოპოლიტი, რომლის ქუჩები დიდი ხანია ტურისტების საკუთრებაა, ქალაქი-პარკი, სადაც თავისუფლად შიძლება გაზონზე წამოწოლა და ქალაქი-მუზეუმი, რომლის ყველა გამოფენის ნახვას თვეც არ ეყოფა. ბერლინშია მსოფლიოს ერთ-ერთი ყველაზე დიდი და ლამაზი ზოოპარკი, ისტორიული რაიხსტაგი და სამუზეუმო კუნძული დედოფალ ნეფერტიტის ბიუსტით, ზევსის სამსხვერპლოთი და სხვა ანტიკური ღირსშესანიშნაობებით. ბერლინში მოგზაურობისას აუცილებლად უნდა ესტუმროთ კროინცბერგისა და ფრიდრიხშაინის კვარტლების ღამის კლუბებს და კურფიურსტენდის ბუტიკებს.

 

რიგა, ლატვია

 

ზღვის მარილიანი სუნი, მყუდრო კაფეები და გემრიელი ყავა, ცხოვრების აუჩქარებელი რიტმი და მომხიბვლელი ძველი ქალაქი – ყველაფერი ეს რიგაა, რომელიც მართალია, თავისი მასშტაბებით მნიშვნელოვნად ჩამორჩება ევროპის სხვა დედაქალაქებს, მაგრამ მისი მონახულება მაინც აუცილებელია. ლატვისს დედაქალაქის მშვენებაა წმინდა პეტრეს ეკლესია, ალბერტისა და ელიზაბეტეს ქუჩები თავისი მდიდრული სასახლეებით და იაუნიელას ქუჩა, სადაც ცნობილი ფილმები ”გაზაფხულის 17 გაელვება” და ”შერლოკ ჰოლმსია”  გადაღებული.

 

 

Please reload

Please reload

Please reload

Please reload

ვიზაჯორჯია

დ. აღმაშენებლის გამზ.175, თბილისი 0112, საქართველო

ტელ: +995 577694168 ; +995 577694169 ; 995 557591449

ელ-ფოსტა:  info@visageorgia.ge

 

  • Grey Facebook Icon
  • Grey Google+ Icon
  • Grey YouTube Icon
  • Grey Instagram Icon
© 2018 ყველა უფლება დაცულია