მგზავრები “რაიანეარის” ბილეთების შეძენას უფასოდ შეძლებენ

ევროპის ყველაზე დიდი დაბალბიუჯეტიანი კომპანია მგზავრებს საინტერესო სიახლეებს დაპირდა. “რაიანეარის” გენ.დირექტორმა მაიკლ ოლირმა განაცხადა, რომ უახლოეს 5 წელიწადში გადამზიდავის ბილეთების ნაწილი უფასო გახდება. სიახლის მიზეზი კი ისაა, რომ ევროპის აეროპორტები კომპანიას უფრო და უფრო საინტერესო შემოთავაზებებს უკეთებენ.

ასევე, მიმდინარეობს მოლაპარაკება იმაზეც, რომ ბიუჯეტურ ავიაგადამყვანს სხვადასხვა გადასახადები შეუმცირონ, რაც ბილეთების რაღაც ნაწილს უფასოს გახდის. ოლირი ფიქრობს, რომ კომპანია დამატებით შემოსავალს მგზავრების მიერ აეროპორტში დახარჯული თანხიდან მიიღებს, რაც იმას ნიშნავს, რომ დუტი ფრიში გადახდილი ფულის ნაწილი “რაიანეარის” ანგარიშზე გადაირიცხება.

თუმცა, უნდა აღინიშნოს, რომ სიახლე არ შეეხება დიდ აეროპორტებს და ძირითადად ქუთაისის მსგავსს მცირე ზომის ობიექტებზე იქნება გათვლილი.