ბაქოს საოცარი მიწისქვეშა გადასასვლელები

19 Apr 2017

ქალაქში მრავლად აშენდა ახალი, თანამედროვე შენობები და მათი ვიზუალი მართლაც ღირს ნახვად, თუმცა ბაქოს უფრო შთამბეჭდავ დეტალს მისი მიწისქვეშა გადასასვლელები წარმოადგენს. რაც არ უნდა გასაკვირი იყოს, აქ მიწისქვეშა გადასასვლელები ხელოვნების ნიმუშს ჰგავს, მოწყობილია არაერთი დეკორატიული ელემენტით და შიგნით ესკალატორიც კი არის დამონტაჟებული. აქ მარმარილოთი მოპირკეთებულ გადასასვლელებთან ერთად, თქვენ ნახავთ ულამაზეს ნახატებს, რომელიც გადასასვლელს მთელ სიგრძეზე მიუყვება და თავს საგამოფენო დარბაზის სტუმრად გაგრძნობინებთ. კედლები ასევე მრავალფეროვანი ჩუქურთმებითა და თანამედროვე დიზაინის ელემენტებითაცაა გამდიდრებული.