ელფების და ფერიების სკოლა რეიკიავიკში

22 Sep 2017

ელფები, ფერიები, ტროლები და სხვა ზღაპრული გმირები თანამედროვე კინოინდუსტრიაში წარმატებით სარგებლობს. ეს გმირები საშუალებას გვაძლევს მოვწყდეთ რეალობას და ზღაპრულ სამყაროში გადავეშვათ, თუმცა ისლანდიაში ასე არ თვლიან. ამ ქვეყანაში თქვენ გაქვთ შესაძლებლობა ელფმცოდნეობას დაეუფლოთ სკოლაში, სადაც ელფებისა და სხვა ზღაპრული გმირების სახეობებს ასწავლიან.


სკოლა სახელად Álfaskólinn რეიკიავიკში მდებარეობს. აქ თქვენ შეგიძლიათ სრული ინფორმაცია მიიღოთ ელფების 13 სახეობის შესახებ. საგანმანათლებლო დაწესებულებას შესაბამისად კლასები, განრიგი და კურიკულუმები აქვს. კლასებში ელფების სურათებიც კიდია. სხვანაირად როგორ? ხომ უნდა იცოდნენ სტუდენტებმა როგორ გამოიყურებიან ეს ზღაპრული არსებები.

 

სკოლა მართალია ძირითად აქცენტს ელფების სახეობის სწავლებაზე აკეთებს, თუმცა აქვე გაივლით კურსებს ტროლებთან, ფერიებთან, გნომებთან მოქცევის წესებზეც. სწავლების დასასრულს სტუდენტები დიპლომებს იღებენ.


ცხადია, ასეთი საოცარი ადგილისადმი დაინტერესებას ტურისტების უამრავი ჯგუფები გამოხატავენ. მოგზაურებს შეუძლიათ შეუკვეთონ 5 საათიანი ტური იმ ადგილების დასათვალიერებლად, სადაც ელფები ჩვეულებრივ ბინადრობენ.

Please reload

Please reload