საუზმე ჟირაფებთან ერთად

9 Oct 2017

ეს არაჩვეულებრივი ბუტიკ-ოტელი სახელწოდებით Giraffe Manor კენიაში, ნაირობისა და ნგონგის ბუნებრივ ნაკრძალს შორის მდებარეობს.

სასტუმრო ნამდვილად განსაკუთრებულია – როგორც მდებარეობით, ისე დიზაინით, რომელიც 30-იანი წლების არტ დეკოს სტილშია გადაწყვეტილი. თავად სასტუმროც 1930 წელს არის აშენებული.

სასტუმროს მისაღები და ნომრები ელეგანტური ძველებური ავეჯითაა მოწყობილი. განსაკუთრებულად სასიამოვნო გარემოს ულამაზესი ბაღები, ტერასები და ვერანდები ქმნის.

სასტუმრო განლაგებულია 5 ჰექტარამდე ტერიტორიაზეა და გარს აკრავს დაახლოებით 57 ჰექტარი ულამაზესი ტყე, რომელიც სავსეა ეგზოტიკური ცხოველებითა და ფრინველებით. მათგან ყველაზე თამამები ჟირაფები არიან, რომლებიც  სასტუმროს ბაღებში დასეირნობენ და ხანდახან სტუმრებისთვის განკუთვნილ საუზმესაც მიირთმევენ.

“ჟირაფების სასტუმრო” არც ისე დიდია – 10 მყუდრო ნომერში მაქსიმუმ 25 ადამიანის განთავსება შეიძლება. ღირებულებაში შედის კვება და უფასო სასმელი.სტუმრებს სასაუზმოდ აქ ეპატიჟებიან – ყავის მირთმევის დროს ჟირაფების ცქერით და არაჩვეულებრივი ხედებით შეიძლება დატკბეთ. თუმცა თუ უცებ მაგიდიდან რაღაც გაქრება, პასუხს არავინ აგებს. 

 

 

 

 

 

 

 

 

Please reload

Please reload