ნარინჯისფერი მელია ჰერმესის მაღაზიის ვიტრინაში

5 Dec 2017

 

დღეს, როცა დიზაინერების უმრავლესობა თავიანთი კრეატიული აზროვნების დემონსტრირებას ციფრული ტექნოლოგიებით ამჯობინებს, ფრანგული დიზაინ სტუდიის Zim & Zou შექმნილი ვიტრინა Hermes-ის მაღაზიისთვის ბარსელონაში ( Passeo de Gràcia, Barcelona) ორიგინალურობით ნამდვილად გამოირჩევა – ვიტრინაში გამოდებული ყველა ნივთი ტყავისა და ქაღალდისგან, ხელით არის დამზადებული.

ვიტრინაში დასახლებულმა მელამ თან თავისი ავეჯი, დეკორაციები და პირადი ნივთები წამოიღო – ასეთია მისი ისტორია. მელას სახლის დეკორაციებს ორგანულად ერწყმის ჰერმესის წარმოებული ბრენდები და დამთვალიერებელს ანიშნებს, რომ სწორედ ასეთია ცხოვრების დახვეწილი სტილი.

ნანსიში მდებარე დიზაინ სტუდია Zim & Zou, რომელსაც ლუსი თომასი და თიბო ზიმერმანი ხელმძღვანელობენ, ქაღალდითა და სხვა ხელშესახები მასალის გამოყენებით შექმნილ რთულ, 3D დეკორაციებზეა სპეციალიზებული. ჰერმესის მაღაზიის დეკორირებაც ძირითადად ქაღალდით მოხდა, მელა კი ფერადი ტყავისგანაა დამზადებული.

 

 

 

 

Please reload

Please reload