Google Map ფუნქციებს იმატებს და მოგზაურობას უფრო ორგანიზებულს ხდის

25 Feb 2019

უცნობი ქალაქის სადგურიდან გამოსვლა, გაჩერებიდან ახალი მიმართულების არჩევა და კონკრეტული დანიშნულების ადგილის პოვნა დიდ დაბნეულობას რომ იწვევს დაგვეთანხმებით.

 

ამ დროს Google - ის რუკა პირველი გამოსავალია ხოლმე და ვფიქრობთ, ახალი ფუნქციის შემდეგ მას უფრო ხშირად გამოიყენებთ.

 

Google maps-ის გუნდმა Business Insider-ს შესაძლებლობა მისცა, მისი ახალი დამატებითი რეალობის ფუნქცია გამოეცადა, რომელიც ჯერჯერობით მხოლოდ ფეხით მოსიარულეებისთვის არის შექმნილი. Google maps-ის გუნდის განმარტებით, ფუნქცია ჯერ საწყის ეტაპზეა და ხელმისაწვდომი იქნება მხოლოდ ადგილობრივი გიდებისთვის - ენთუზიასტებისთვის, ვინც პროდუქტთან დაკავშირებით სასარგებლო უკუკავშირი უნდა იქონიონ. ის თუ როდის იქნება პროდუქტი ფართო საზოგადოებისთვის ხელმისაწვდომი, უცნობია.

 

 

 

როგორ დაგვეხმარება Google Maps - ის ახალი ფუნქცია?

 

როდესაც ადგილმდებარეობის მონიშვნის შემდეგ Google Map მარშრუტის უმოკლეს მანძილს გიჩვენებთ, საკმარისია სმარტფონი თვალის გასწვრივ აიტანოთ რომ ორგანზომილებიანი რუკა ტელეფონის დაბლა კუთხეში ინახვლებს, დანარჩენ ადგილს კი თქვენ ირგვლივ არსებული გარემო იკავებ და რამდენიმე წუთში ჩნდება ისრები, რომლების სწორ მიმართულებებს გიჩვენებთ.

 

მას შემდეგ, რაც დანიშნულების ადგილს მიაღწევთ თქვენი მოწყობილობის ეკრანზე შესაბამისი ნიშანი გამოდის და იქვე Google maps გთავაზობთ ინფორმაცის იმ კონკრეტულ დაწესებულებასთან დაკავშირებით, ფოტოებსა და გამოხმაურებას.

 

როგორც Google - ში განმარტავენ, ახალი ფუნქცია მატარებლის სადგურიდან გამოსვლის, გზაჯვარედინზე მოხვედრის ან დანიშნულების ადგილზე ჩასვლის დროს დაბნეულობის დაძლევის და ორიენტირების გარკვევისთვისაა.

 

აუცილებელია, მომხმარებელმა გაითვალისწინოს უსაფრთხოების ნორმები, არ იაროს თვალის სიმაღლეზე მომართული ტელეფონით და Google map - ის ახალი ფუნქცია მხოლოდ დაბნეულობის დროს გამოიყენონ.

Please reload

Please reload