კვიპროსში სასაზღვრო კონტროლი მკაცრდება - საქართველოს საელჩოს რეკომენდაციები




საქართველოს საელჩო კვიპროსში შემდეგ განცხადებას ავრცელებს:


ბოლო პერიოდში კვიპროსის რესპუბლიკაში გამკაცრებული სასაზღვრო კონტროლიდან გამომდინარე, საქართველოს მოქალაქეებს მოვუწოდებთ, გაითვალისწინონ რამდენიმე გარემოება:


  • უვიზო მიმოსვლის ფარგლებში კვიპროსის რესპუბლიკაში გამგზავრება დასაშვებია მხოლოდ მოკლევადიანი ვიზიტით ტურისტულად, ოჯახის წევრების/ახლობლების მოსანახულებლად, საქმიანი შეხვედრების გასამართად, საერთაშორისო სემინარებში/კონფერენციებში/გამოფენებში ან მოკლევადიან სასწავლო კურსებსა და ტრენინგებში, აგრეთვე სტაჟირების პროგრამებში მონაწილეობის მისაღებად, მოკლევადიანი სამკურნალო კურსის ჩასატარებლად.

  • უვიზო მიმოსვლა არ ითვალისწინებს კვიპროსის რესპუბლიკის ტერიტორიაზე მუშაობის უფლებას.

  • უვიზო მიმოსვლით სარგებლობისას თან უნდა იქონიოთ შემდეგი დოკუმენტები: მოქმედი ბიომეტრიული პასპორტი, უკან დასაბრუნებელი ბილეთი, სამოგზაურო დაზღვევა, სასტუმროს მოქმედი ჯავშანი, თანხა დღეზე მინიმუმ 50 ევროს ოდენობით (მასში არ შედის სასტუმროს თანხა).

  • ახლობელთან (რომელიც ლეგალურად იმყოფება კვიპროსში) სტუმრობის შემთხვევაში, სასტუმროს ჯავშნის ნაცვლად უნდა გქონდეთ მასპინძლისგან მოწვევა, სადაც აღნიშნული იქნება მისი საკონტაქტო ინფორმაცია (მისამართი და ტელეფონის ნომერი) და თქვენი ვიზიტის ხანგრძლივობა.

  • თუ კვიპროსში ყოფნისას დაგეგმილზე მეტი ხნით (მაგ. რამდენიმე დღით) გადაწყვეტთ დარჩენას, უნდა მიხვიდეთ შესაბამის ქალაქში არსებულ საიმიგრაციო სამსახურში, სადაც წარადგენთ ახალ დასაბრუნებელ ბილეთს.

  • გაითვალისწინეთ, რომ უცხო ქვეყნის მოქალაქეს ქვეყანაში შესვლაზე უარი შეიძლება ეთქვას როგორც მოუწესრიგებელი ან/და არასრული დოკუმენტაციის გამო, ასევე იმ შემთხვევაშიც, თუ მესაზღვრესთან გასაუბრებისას ვერ დაადასტურებს მგზავრობის მიზანს.

  • გთხოვთ, გაითვალისწინოთ, რომ სახელმწიფოს ტერიტორიაზე უცხო ქვეყნის მოქალაქის შეშვების შესახებ გადაწყვეტილება წარმოადგენს შესაბამისი სახელმწიფოს მესაზღვრის კომპეტენციას და საელჩო/საკონსულო სამსახური მოკლებულია შესაძლებლობას, ჩაერიოს და შეაცვლევინოს ადგილსამყოფელი ქვეყნის სასაზღვრო სამსახურს მიღებული გადაწყვეტილება.

Please reload

ვიზაჯორჯია

დ. აღმაშენებლის გამზ.175, თბილისი 0112, საქართველო

ტელ: +995 205 01 10 ; +995 577 694 169

ელ-ფოსტა:  info@visageorgia.ge

 

  • Grey Facebook Icon
  • Grey YouTube Icon
  • Grey Instagram Icon
© 2018 ყველა უფლება დაცულია

 

This site was designed with the
.com
website builder. Create your website today.
Start Now